MATERI "SAJAK" KELAS VII

Tugas Kelas VII 

31 maret-4 april 2020         = maca materi sajak ( dihandap)

5 April -11 april 2020         = nulis sajak karya sorangan (teu kenging copy paste/niron/nyalin                                                       sajak karya batur)

11 april-15 april 2020         = sajak ditulis dina kertas salambar, teras difoto

“SAJAK”

MATERI KELAS VII

SEMESTER 2

Corona mawa cimata

Karya : M.E nugraha

Bangsa téh keur nalangsa

Panyakit datang teu mawa béja

Tingjarerit, tingkocéak nu geus tépa

Loba nu tilar dunya

          Ieu nagri keur ceurik

          Kolot budak tingjarerit

          Wabah ngaranjah kampung tur kota

          Warga siap kudu sayaga

Wabah corona beuki lega

Rék sabaraha nyawa nu palastra

Rék sabaraha loba budak nu leungit bapana

Rék sabaraha rebu indung nu leungit anakna

Gusti nu Maha Kawasa

Sadaya tina polah manusa

Manusa sarakah mawa sangsara

Mugi Gusti énggal ngangkat ieu panyawat

Nalangsa sirna salin bagja

Cimata nagri ganti raharja

               

Karangan di luhur disebutna sajak.

Naon ari sajak?

       Sajak nyaéta salahsahiji karya sastra nu ditulis dina wangun/bentuk ugeran atawa terikat, biasana ditulisna teh dina wangun bait, lain paragraf.

Ari sajak téh sarua jeung puisi, ngan ari puisi mah biasana dipaké dina basa indonesia.

         Kecap-kecap nu dipaké dina sajak umumna kecap nu ngandung harti konotatif atawa lain harti sabenerna, kekecapanana endah, atawa matak sumanget, matak nalangsa, sabab eusi sajak téh kaluar tina eusi hate jeung pikiran nu nulisna.

   Lamun urang rék nulis sajak tangtuna urang kudu berimajnasi, ngalamun, ngabayangkeun jeung konsentrasi, ngaluarkeun sagala eusi haté jeung pikiran kana bentuk tulisan.

Aya sababaraha hal penting nu kudu aya dina sajak

1.    Tema            = eusi sajak téh rék nyaritakeun naon

2.    Suasana        = gambaran kaayaan naha bungah, sedih, nalangsa, sumanget

3.    Imaji            = gambaran nu karasa, kadéngé, katingali dina lamunan

.   . Simbol           = kecap barang atawa sipat nu di pake pikeun ngagambarkeun maksud, conto

·         kecap kuburan, ceurik, sedih, cimata simbol tina kasedih

·         Perang, bedil, getih, panas, simbol tina sumanget

·         Kembang, rasa, hate, sono, imut, simbol tina rasa cinta atawa nyaah

5. Wirahma / irama = dina sajak mah kecap nu digunakeun biasana aya irama conto tungtungna a, atawa i maksudna ngarah énak jeung endah kadanguna, tapi hal eta lain hal nu utama

6.    Amanat        = hal positif nu rek ditepikeun nu ngarang ka nu maca

Conto 2

EMA,  APA

Sajak: Moch Gara

Ka saha kudu nyebut Ema?

Ka saha kudu nyebut Apa?

Éstuning hésé jeung sieun

Ti leuleutik, kuring can pernah

Diparéndé ku Ema

Diakod ku Apa

Éstuning Tétéh jeung Aa

Nu unggal poé dicalukan

Naha kuring teu sarua jeung batur

Hayang jajan ménta ka Ema

Hayang cocooan lumpat ka Apa

Naha ka mana jeung di mana

Ari Ema jeung Apa

Ngadéngé béja Ema jeung Apa téh

Tos tilar dunya.

                                                   (Dicutat tina Manglé no. 2143/2007)